BASAG

Walang takot na sinalubong
Ang matatalim na bato.
Buti’t galos lang ang natamo
Sa biglaang pagkakaluhod.
Muntik ng sumabasob
Ng tangkaing saluhin
Laman ng mesang tumaob.
Kahit halos mabangasan
Pagkahulog ay di napigilan.
Pira-pirasong sumambulat.
Mga himaymay ay nagkalat.

Sa isang iglap,
Ang kristal na pinakaiingatan
Walang patumanggang nawasak
Inagaw ng anino
Kawalang-malay ng tunggak.